But the last time he did it, the puir auld man hostit (coughed) sair efterhin, and had to gang and lie doon.

He didna live lang efter that.

But it wasna that 'at killed him, ye ken.' 'But hoo cam he to play the pipes ?' 'He likit the pipes.

And yer grandfather, he tuik to the fiddle.' 'But what for did they ca' him the blin' piper o' Portcloddie ?' 'Because he turned blin' lang afore his en' cam, and there was naething ither he cud do.

And he wad aye mak an honest baubee whan he cud; for siller was fell scarce at that time o' day amo' the Falconers.