"Her grandfather and grandmother are the best of good people." "I daursay! But there's jist what I hae seen: them 'at 's broucht up their ain weel eneuch, their son's bairn they'll jist lat gang.

Aither they're tired o' the thing, or they think they're safe.

They hae lippent til yoong Eppy a heap ower muckle.

But I'm naither a prophet nor the son o' a prophet, as the minister said last Sunday--an' said well, honest man! for it's the plain trowth: he's no ane o' the major nor yet the minor anes! But haud him oot o' the pu'pit an' he dis no that ill.

His dochter 's no an ill lass aither, an' a great freen' o' my leddy's.