Lord, I wuss minnisters wad speyk like ither fowk!" "Ye wad sair please my mither sayin' that," remarked Donal.

"Ye maun be jist sic anither as her!" "Weel, come in, an' sit ye doon oot o' the sin, an' hae something to ait." "Na, I'll tak nae mair frae ye the day, an' I thank ye," replied Donal; "I canna weel bide." "What for no ?" "It's no sae muckle 'at I'm in a hurry as 'at I maun be duin'." "Whaur are ye b'un' for, gien a body may speir ?" "I'm gaein' to seek--no my fortin, but my daily breid.

Gien I spak as a richt man, I wad say I was gaein' to luik for the wark set me.

I'm feart to say that straucht oot; I haena won sae far as that yet.

I winna du naething though 'at he wadna hae me du.