8/11 Davit would lauch 'at the grandest thochts, whaur they only fill the true humorist wi' awe. I've found it necessary to rebuke 'im at times whaur his lauchin' was oot o' place. He pretended aince on this vara spot to see humour i' the origin o' cock-fightin'." "Did he, man ?" said Hendry; "I wasna here. But what is the origin o' cock-fechtin' ?" "It was a' i' the _Cheap Magazine_," said T'nowhead. "It was through me readin' the account oot o' the _Cheap Magazine_ 'at the discussion arose." "But what said the _Cheapy_ was the origin o' cock-fechtin' ?" "T'nowhead 'll tell ye," answered Tammas; "he says I dinna ken." "I never said naething o' the kind," returned T'nowhead, indignantly; "I mind o' ye readin't oot fine." "Ay, weel," said Tammas, "that's a' richt. |