I fear yell hae to take charge of the business for some time to come; mind what I tell'd ye about the shaping and the cutting, and no making the goose ower warm; as I doubt I am about to be harled away to the tolbooth." Tammie's heart swelled to his mouth.

"Ah, maister," he said, "ye're joking.

What should ye have done that ye should be ta'en to sic an ill place ?" "Ay, Tammie, lad," answered I, "it is but ower true." "Weel, weel," quo' Tammie--I really thought it a great deal of the laddie--"weel, weel, they canna prevent me coming to sew beside ye; and if I can take the measure of customers without, ye can cut the claith within.

But what is't for, maister ?" "Come in here," said I to him, "and believe your ain een, Tammie, my man." "Losh me!" cried the poor laddie, glowring at the bloody face of the man in the bed, and starting back on his tip-toes.

"Ay--ay--ay! maister; save us, maister; ay--ay--ay--you have na cloured his harnpan with the guse?
Ay, maister, maister! whaten an unearthly sight!! I doubt they'll hang us a'; you for doing't--and me on suspicion--and Benjie as art and part, puir thing! But I'll rin for a doctor.