"Wha did ye hear the Sawbath that's bye?
Dr.A?
Ay, I ken him ower weel; he's been there for fifteen years an' mair.

Ay, he's a gifted mon--AFF AN' ON!" with an emphasis showing clearly that, in her estimation, the times when he is 'aff' outnumber those when he is 'on'...

"Ye havena heard auld Dr.B yet ?" (Here she tucks in the upper sheet tidily at the foot.) "He's a graund strachtforrit mon, is Dr.B, forbye he's growin' maist awfu' dreich in his sermons, though when he's that wearisome a body canna heed him wi'oot takin' peppermints to the kirk, he's nane the less, at seeventy-sax, a better mon than the new asseestant.

Div ye ken the new asseestant?
He's a wee-bit, finger-fed mannie, ower sma' maist to wear a goon! I canna thole him, wi' his lang-nebbit words, explainin' an' expoundin' the gude Book as if it had jist come oot! The auld doctor's nae kirk-filler, but he gies us fu' meesure, pressed doun an' rinnin' ower, nae bit-pickin's like the haverin' asseestant; it's my opeenion he's no soond, wi' his parleyvoos an' his clishmaclavers!...

Mr.C ?" (Now comes the shaking and straightening and smoothing of the first blanket.) "Ay, he's weel eneuch! I mind aince he prayed for oor Free Assembly, an' then he turned roon' an' prayed for the Estaiblished, maist in the same breath,--he's a broad, leeberal mon is Mr.C!...