The hoose was that big that the only kinda cosy place they could see to sit in was the butler's pantry, an' they took to drink, fair for want o' anything else to dae.

I've heard tell that they took whisky to their porridges, but that's mebbe a lee.

Onyway, the faither and mither sune died off, and the dochter went to board wi' the minister an' his wife, to see if they could dae onything wi' her.

I mind seein' her yince.

She was sittin' horn-idle, an' I said to her, 'D'ye niver tak' up a stockin' ?' and she says, 'I dinna _need_ to dae naething.' 'But,' I says, 'a stockin' keeps your hands busy, an' keeps ye frae wearyin',' but she juist said, 'I tell ye I dinna need to dae naething.