But I would see it afore ye spend it.

I wis readin' a bit in the papers the ither day aboot a wumman who got word o' a fortune sent her, and went and got a' sorts o' braw claes and things ower the heid o't, and here it wis a' a begunk.

And a freend o' mine hed a husband oot aboot Canada somewhere, and she got word o' his death, and she claimed the insurance, and got verra braw blacks, and here wha should turn up but his lordship, as leevin' as you or me! Eh, puir thing, she wis awfu' annoyed....

You be carefu', Miss Jean, and see the colour o' yer money afore ye begin giein' awa' hauf-croons instead o' pennies.".