There were tears in our een, I'm telling you; it was a kindly thought, whoever amang them had it, and ane I'll ne'er forget.

And there, in that speeding car, we had a New Year's day celebration that couldna ha' been matched ootside o' Scotland.
But, there, I've aye found folk kindly and thoughtfu' tae me when I've had tae be awa' frae hame on sic a day, And it happens often, for it's just when folk are making holiday that they'll want maist to see and hear me in their theatres, and sae it's richt seldom that I can mak' my way hame for the great days o' the year.

But I wull, before sae lang--I'm near ready to keep the promise I've made sae often, and retire.

You're no believing I mean that?
You've heard the like of that tale before?
Aye, I ken that fine.

But I mean it!.