He ken'd weel the first pose was o' his ain hiding, and how could he expect a second?
He just havered on about it to make the mair o' Sir Arthur." "Then how," said Oldbuck, "should Sir Arthur have come there unless the German had brought him ?" "Umph!" answered Edie drily.

"I had a story about Misticot wad hae brought him forty miles, or you either.

Besides, it was to be thought he would be for visiting the place he fand the first siller in--he ken'd na the secret o' that job.

In short, the siller being in this shape, Sir Arthur in utter difficulties, and Lovel determined he should never ken the hand that helped him,--for that was what he insisted maist upon,--we couldna think o' a better way to fling the gear in his gate, though we simmered it and wintered it e'er sae lang.

And if by ony queer mischance Doustercivil had got his claws on't, I was instantly to hae informed you or the Sheriff o' the haill story." "Well, notwithstanding all these wise precautions, I think your contrivance succeeded better than such a clumsy one deserved, Edie.