An ilka friend wad bear a share o' the burden, something might be dune--ilka ane to be liable for their ain input--I wadna like to see the case fa' through without being pled--it wadna be creditable, for a' that daft whig body says." "I'll--I will--yes" (assuming fortitude), "I will be answerable," said Dumbiedikes, "for a score of punds sterling."-- And he was silent, staring in astonishment at finding himself capable of such unwonted resolution and excessive generosity.
"God Almighty bless ye, Laird!" said Jeanie, in a transport of gratitude.
"Ye may ca' the twenty punds thretty," said Dumbiedikes, looking bashfully away from her, and towards Saddletree.
"That will do bravely," said Saddletree, rubbing his hands; "and ye sall hae a' my skill and knowledge to gar the siller gang far--I'll tape it out weel--I ken how to gar the birkies tak short fees, and be glad o' them too--it's only garring them trow ye hae twa or three cases of importance coming on, and they'll work cheap to get custom.

Let me alane for whilly-whaing an advocate:--it's nae sin to get as muckle flue them for our siller as we can--after a', it's but the wind o' their mouth--it costs them naething; whereas, in my wretched occupation of a saddler, horse milliner, and harness maker, we are out unconscionable sums just for barkened hides and leather." "Can I be of no use ?" said Butler.

"My means, alas! are only worth the black coat I wear; but I am young--I owe much to the family--Can I do nothing ?" "Ye can help to collect evidence, sir," said Saddletree; "if we could but find ony ane to say she had gien the least hint o' her condition, she wad be brought aft wi' a wat finger--Mr.Crossmyloof tell'd me sae.

The crown, says he, canna be craved to prove a positive--was't a positive or a negative they couldna be ca'd to prove ?--it was the tane or the tither o' them, I am sure, and it maksna muckle matter whilk.

Wherefore, says he, the libel maun be redargued by the panel proving her defences.