But the question is, what's to be dune ?" "Nothing," answered Deans firmly, "but to abide the dispensation that the Lord sees meet to send us.

Oh, if it had been His will to take the grey head to rest before this awful visitation on my house and name! But His will be done.

I can say that yet, though I can say little mair." "But, neighbour," said Saddletree, "ye'll retain advocates for the puir lassie?
it's a thing maun needs be thought of." "If there was ae man of them," answered Deans, "that held fast his integrity--but I ken them weel, they are a' carnal, crafty, and warld-hunting self-seekers, Yerastians, and Arminians, every ane o' them." "Hout tout, neighbour, ye mauna take the warld at its word," said Saddletree; "the very deil is no sae ill as he's ca'd; and I ken mair than ae advocate that may be said to hae some integrity as weel as their neighbours; that is, after a sort o' fashion' o' their ain." "It is indeed but a fashion of integrity that ye will find amang them," replied David Deans, "and a fashion of wisdom, and fashion of carnal learning--gazing, glancing-glasses they are, fit only to fling the glaiks in folk's een, wi' their pawky policy, and earthly ingine, their flights and refinements, and periods of eloquence, frae heathen emperors and popish canons.

They canna, in that daft trash ye were reading to me, sae muckle as ca' men that are sae ill-starred as to be amang their hands, by ony name o' the dispensation o' grace, but maun new baptize them by the names of the accursed Titus, wha was made the instrument of burning the holy Temple, and other sic like heathens!" "It's Tishius," interrupted Saddletree, "and no Titus.

Mr.Crossmyloof cares as little about Titus or the Latin as ye do .-- But it's a case of necessity--she maun hae counsel.