His wife was a canny body, and could dress things very weel for ane in her line o' business, but no like a gentleman's housekeeper, to be sure.

But I doubt the daughter's a silly thing--an unco cockernony she had busked on her head at the kirk last Sunday.

I am doubting that there will be news o' a' thae braws.

But my auld een's drawing thegither--dinna hurry yoursell, my bonny man, tak mind about the putting out the candle, and there's a horn of ale, and a glass of clow-gillie-flower water; I dinna gie ilka body that; I keep it for a pain I hae whiles in my ain stamach, and it's better for your young blood than brandy.

Sae, gude-night to ye, Mr Henry, and see that ye tak gude care o' the candle." Morton promised to attend punctually to her caution, and requested her not to be alarmed if she heard the door opened, as she knew he must again, as usual, look to his horse, and arrange him for the night.