"Gien ye forgie a body for enstance, ye maun forget tu--no sae muckle, I'm thinkin', for the sake o' them 'at did ye the wrang, for wha wad tak up again a fool (foul) thing ance it was drappit ?--but for yer ain sake; for what ye hae dune richt, my father says, maun be forgotten oot 'o sight for fear o' corruption, for naething comes to stink waur nor a guid deed hung up i' the munelicht o' the memory.
"Eh!" exclaimed Aggie, "but ye're unco wice for a lad o' yer 'ears." "I wad be an nuco gowk," remarked Cosmo, "gien I kent naething, wi' sic a father as yon o' mine.

What wad ye think o' yersel' gien the dochter o' Jeames Gracie war nae mair wice-like nor Meg Scroggie ?" Agnes laughed, but made no reply, for the voice of her mother came out of the dark: "Wha's that, Aggie, ye're haudin' sic a confab wi' in the middle o' the night?
Ye tellt me ye had to sit up to yer lessons!" "I was busy at them, mither, whan Maister Cosmo chappit at the door." "Weel, what for lat ye him stan' there?
Ye may hae yer crack wi' HIM as lang's ye like--in rizzon, that is.

Gar him come in." "Na, na, mistress Gracie," answered Cosmo; "I maun awa' hame; I hae had a gey long walk.

It's no 'at I'm tired, but I'm gey and sleepy.
Only I was sae pleased 'at I was gaein' to learn my lessons wi' Maister Simon,'at I bude to tell Aggie.

She micht ha' been won'erin', an' thinkin' I wasna better, gien she hadna seen me at the schuil the morn." "Is' warran' her ohn gane to the schuil ohn speirt in at the Castle the first thing i' the mornin', an' seein' gien the laird had ony eeran' to the toon.