For ance 'at there cam the markis to the hoose--whan things warna freely sae scant aboot the place as they hae been sin' yer father cam to the throne--there cam at his back a fearsome storm, sic as comes but seldom in a life lang as mine, an' sic 'at his lordship cudna win awa'.

Thereupon yer father, that is, yer gran'father,--or it wad be yer grit-gran'father--I'm turnin' some confused amo' ye: ye aye keep comin'!--onyhoo, he gae the captain a kent like,'at he wad du weel to offer his room til's lordship.

But wad he, think ye?
Na, no him! He grew reid, an' syne as white's the aisse, an' luikit to be i' the awfu'est inside rage 'at mortal wessel cud weel hand.

Sae yer gran'father, no 'at he was feart at 'im, for Is' be bun' he never was feart afore the face o' man, but jest no wullin' to anger his ain kin, an' maybe no willin' onybody sud say he was a respecter o' persons, heeld his tongue an' said nae mair, an' the markis hed the second best bed, for he sleepit in Glenwarlock's ain." Cosmo then told her the dream he had had in the night, describing the person he had seen in it as closely as he could.

Now all the time Grannie had been speaking, it was to the accompaniment of her wheel, but Cosmo had not got far with his narrative when she ceased spinning, and sat absorbed--listening as to a real occurrence, not the feverish dream of a boy.