[Warlock o’ Glenwarlock by George MacDonald]@TWC D-Link book
Warlock o’ Glenwarlock

CHAPTER VII
13/22

But whan a man's deid, what can a' the warl' du for 'im but berry 'im?
puir hin'er en' thof it be to him' at draws himsel' up, an' blaws himsel' oot! There was mony a conjectur as to hoo he cam by his deith, an' mony a doobt it wasna by fair play.
Some said he dee'd by his ain han', driven on til't by the enemy; an' it was true the blade he cairriet was lyin' upo' the grass aside 'im; but ither some 'at exem't him, said the hole i' the side o' 'im was na made wi' that.

But o' a' 'at cam to speir efter 'im, the English lord was nane.

He hed vainished the country.

The general opinyon sattled doon to this,'at they twa bude till hae fa'en oot at cairts, an' fouchten it oot, an' the auld captain, for a' his skeel an' exparience, had had the warst o' 't, an' so there they faun' 'im .-- But I reckon, Cosmo, yer father 'ill hae tellt ye a' aboot the thing, mony's the time, or noo, an' I'm jist deivin' ye wi' my clavers, an haudin 'ye ohn sleepit!" "Na, Grannie," answered Cosmo, "he never tellt me what ye hae tellt me noo.

He did tell me 'at there was sic a man, an' the ill en' he cam til; an' I think he was jist gaein' on to tell me mair, whan Grizzie cam to say the denner was ready.


<<Back  Index  Next>>

D-Link book Top

TWC mobile books