Gie an accoont o' yersel', or the doags'll be lowsed upo' ye here in a jiffey.

Haith, this is no the place for lan'loupers!" "Hae ye been lang aboot the place ?" asked Cosmo.
"Langer nor ye're like to be, I'm thinkin', gien ye keep na the ceeviler tongue i' yer heid, my man--Whaur come ye frae ?" The old man had dropt his spade; Cosmo took it up, and began to dig.
"Lay doon that spaud," cried its owner, and would have taken it from him, but Cosmo delayed rendition.
"Hoot, man!" he said, "I wad but lat ye see I'm nae lan'louper, an' can weel han'le a spaud.

Stan' ye by a bit, an' rist yer banes, till I caw throuw a trifle o' yer wark." "An' what du ye expec' to come o' that?
Ye're efter something, as sure's the deevil at the back yelt, though ye're nae freely sae sure to win at it." "What I expec,' it wad be ill to say; but what I dinna expec' is to be traitit like a vaggabon.

Come, I'll gie ye a guid hoor's wark for a place to wash mysel', an' put on a clean sark." "Hae ye the sark ?" "_I_ HAE't here i' my bag." "An' what du ye want to put on a clean sark for?
What'll ye du whan ye hae't on ?" "Gie ye anither hoor's wark for the heel o' a loaf an' a drink o' watter." "Ye'll be wantin' to be taen on, I s' wad (WAGER) ye a worm!" "Gien ye cud gie me a day's wark, or maybe twa,--" began Cosmo, thinking how much rather he would fall in with Lady Joan about the garden than go up to the house.
"I weel thoucht there sud be mair intil't nor appeart! Ye wad fain hae the auld man's shune, an' mak sur o' them afore he kickit them frae him! Ay! It's jist like the likes o' ye! Mine's a place the like o' you's keen set efter! Ye think it's a' ait an' play! Gang awa' wi' ye, an' latna me see the face o' ye again, or I s' ca' to them 'at 'll tak accoont o' ye." "Hoot, man!" returned Cosmo, and went on turning the ground over, "ye're unco hard upon a neebor!" "Neebor! ye're no neebor o' mine! Gang awa' wi' ye, I tell ye!" "Did naebody never gie' YOU a helpin' han','at ye're sae dooms hard upo' ane 'at needs ane ?" "Gien onybody ever did, it wasna you." "But dinna ye think ye're a kin' o' b'un' to du the like again ?" "Ay, to him 'at did it--but I tell ye ye're no the man; sae gang aboot yer business." "Someday ye may want somebody ance mair to du ye a guid turn!" "I hae dune a heap to gie me a claim on consideration.

I hae grown auld upo' the place.