Wow, woman, the Bertrams of Ellangowan are the auld Dingawaies lang syne.

There is a sang about ane o' them marrying a daughter of the King of Man; it begins-- Blythe Bertram's ta'en him ower the faem, To wed a wife, and bring her hame-- I daur say Mr.Skreigh can sing us the ballant.' 'Gudewife,' said Skreigh, gathering up his mouth, and sipping his tiff of brandy punch with great solemnity, 'our talents were gien us to other use than to sing daft auld sangs sae near the Sabbath day.' 'Hout fie, Mr.Skreigh; I'se warrant I hae heard you sing a blythe sang on Saturday at e'en before now.

But as for the chaise, Deacon, it hasna been out of the coach-house since Mrs.Bertram died, that's sixteen or seventeen years sin syne.

Jock Jabos is away wi' a chaise of mine for them; I wonder he's no come back.

It's pit mirk; but there's no an ill turn on the road but twa, and the brigg ower Warroch burn is safe eneugh, if he haud to the right side.