Remember, your faither is a hard man, reaping where he hasna sowed and gaithering where he hasna strawed.

It's easy speakin', but mind! Ye'll have to look in the gurly face o'm, where it's ill to look, and vain to look for mercy.

Ye mind me o' a bonny ship pitten oot into the black and gowsty seas--ye're a' safe still, sittin' quait and crackin' wi' Kirstie in your lown chalmer; but whaur will ye be the morn, and in whatten horror o' the fearsome tempest, cryin' on the hills to cover ye ?" "Why, Kirstie, you're very enigmatical to-night--and very eloquent," Archie put in.
"And, my dear Mr.Erchie," she continued, with a change of voice, "ye mauna think that I canna sympathise wi' ye.

Ye mauna think that I havena been young mysel'.

Lang syne, when I was a bit lassie, no twenty yet--" She paused and sighed.