I shall ha to, till the ither lads hae chused; the mair part will put themsels oot, ane will hit it off reicht maybe, then I shall gie him a hidin' an' carry off the lass.

You-hoo!" _Jean Carnie._ "That's you, Flucker." _Christie Johnstone._ "And div ye really think we are gawn to let you see a' the world chuse?
Na, lad, ye are putten oot o' the room, like witnesses." _Flucker._ "Then I'd toss a penny; for gien ye trust to luck, she whiles favors ye, but gien ye commence to reason and argefy--ye're done!" _Christie._ "The suitors had na your wit, my manny, or maybe they had na a penny to toss, sae ane chused the gowd, ane the siller; but they got an awfu' affront.

The gold kist had just a skull intil't, and the siller a deed cuddy's head!" _Chorus of Females._ "He! he! he!" _Ditto of Males._ "Haw! haw! haw! haw! Ho!" _Christie._ "An' Porsha puttit the pair of gowks to the door.

Then came Bassanio, the lad fra Veeneece, that Porsha loed in secret.

Veeneece, lasses, is a wonderful city; the streets o' 't are water, and the carriages are boats--that's in Chambers'." _Flucker._ "Wha are ye making a fool o' ?" _Christie._ "What's wrang ?" _Flucker._ "Yon's just as big a lee as ever I heerd." The words were scarcely out of his mouth ere he had reason to regret them; a severe box on the ear was administered by his indignant sister.
Nobody pitied him.
_Christie._ "I'll laern yet' affront me before a' the company." _Jean Carnie._ "Suppose it's a lee, there's nae silver to pay for it, Flucker." _Christie._ "Jean, I never telt a lee in a' my days." _Jean._ "There's ane to begin wi' then.